5:07 PM 9/8/2012
malaking usapin sa kasalukyan ang suliranin sa tubig. isang suliraning nangangailangan ng agarang kasagutan lalo na sa bayang turismo ang pangunahing pinagkukunan ng ikinabubuhay.
maaaring sabihing isang kabalintunaang ang mga lugar sa kanayunan tulad ng Puerto Galera ay kinakapos sa malinis na tubig samantalang may kakayanan naman ang lokal na pamahalaan at maging ang lokal na mga mamumuhunan upang isaayos ito. isang mungkahi ang nais kong ilatag upang bigyang-kasagutan ang naturang suliranin. (maaari itong gawin sa white beach bilang pilot project ng isang kooperatiba)
dahil sa mayroon namang napagkukunan ng tubig tulad ng Dimayuga, isang mungkahi ang pagkakaroon ng mga over head water tank kung saan may direktang tubig mula sa Dimayuga at iiimbak sa over head tank na siya namang pagkukunan ng tubig na ipamamahagi sa bawat kabahayan o establisimyento na nais magpakabit nito. (kung wala namang mapagkukunan ng tubig, baka maaring gawin ang paggamit ng cistern tank na mag-iimbak ng tubig mula sa ulan o dili kaya ay magkaroon ng deepwell na mapagkukunan ng tubig na siya ring iiimbak sa over head tank) maaaring maghanap ng mga bakanteng lote kung saan ito maaaring itayo. kung sakaling pribadong pag-aari ang lupain, maaaring rentahin ito ng magpapatakbo ng kooperatiba ng patubig. sa konsumo ng white beach, maaari sigurong lagyan ng mga tatlong overhead tank sa mga lugar kung saan magiging pantay ang paghahati ng supply ng tubig.
marami pang maaaring makapag-isip ng mas maganda pa rito subalit ang mahalaga ay may manguna upang tugunan ang suliraning ito sa tubig.
Saturday, September 08, 2012
Sunday, August 26, 2012
Ilang pananaw sa mga kaganapan sa aming bayan mula kay Glenn, isang tambay na nagsusuri.
nananatili pa rin ang Puerto Galera na isa sa pinakamagandang lugar-bakasyunang malapit sa kamaynilaan. taglay pa rin nito ang hindi matatawarang ganda ng kalikasan mula sa dalampasigan, ilalim ng karagatan at maging sa kabundukan - kagandahang nagpatanyag at nagbigay kabuhayan sa mga mamamayan. maaari ring sabihing mga katangian nagpabago sa pamumuhay at pananaw ng sarili nitong mamamayan.
hindi maitatatwang dahil sa turismo kaya kinilalang first class municipality ang bayang ito. mayroon itong kinikitang tinatayang mahigit 100 milyong piso samantalang mayroon lamang na mahigit 28,000 mga mamamayan. sa halagang ito, maaaring sabihing maaaring magkaroon ng magandang infrastructure ang bayang ito - maayos na mga daanan para sa mga tao at mga sasakyan papasok at palabas ng bayan, maayos na kagamitan para sa komunikasyon, maayos na daanan ng baha, maayos na supply ng tubig at kuryente, at maayos na mga pampublikong paaralan at pagamutan. ngunit tulad ng maraming lugar sa bansa, hindi makita o maramdaman ang mga ito sa bayang ito. kailangan ba nating maghanap ng sisisihin?
problema pa rin hanggang sa kasalukuyan ang kawalan ng maayos na supply ng tubig. hindi ko alam kung talagang mahirap ayusin ang patubig sa bayang ito o talagang hindi lang natin pinapansin ang kahalagahan ng pagkakaroon nito o talagang nais ng pamunuang pahirapan ang buhay ng mga mamamayan.
dahil nasa isla ang mindoro ang puerto galera, kailangan nito ang maayos na sasakyang pandagat tulad ng mga roro na magsasakay papasok at palabas ng isla ng mga turista at kalakal na wala pa rin hanggang sa kasalukuyan.
hindi pa rin maayos-ayos ang supply ng kuryente na kailangan sana dahil ang pangunahing negosyo ay turismo. napupunan naman ng ilang mga resort owner ang kakulangang ito subalit hindi ng mga maliliit na negosyo at lalo na ng mga mahihirap nating kababayan.
patuloy rin ang pagbabaha lalo na sa pangunahing tunguhin ng mga turista. dahil lang ba ito sa unti-unting nakakalbong kabundukan o dahil wala nang madaanan ang tubig-baha dahil sa ang dati nitong lagusan ay unti-unting tinatayuan ng mga bahay-patirahan?
kapansin-pansin din ang hindi maayos na mga lagusan patungo sa dalampasigan na sana'y inuuna nang sa gayon ay makinabang din sa turismo ang mga mamamayang hindi biniyayaan ng pag-aari sa tabing dagat.
ilan lamang ang mga ito sa napakaraming hindi binibigyan o nabibigyan ng pansin ng pamahalaan at maging ng mga mamamayan. sa puntong ito, huwag na tayong magsisihan o maghanap ng mababato ng sisi, bagkus ay ituon na natin ang lahat ng kaya natin upang palalimin ang alam sa problema ng bayan at kung paano ito mabibigyang kasagutan.
peace
http://www.blgs.gov.ph/lgpmsv2/cmshome/index.php?pageID=23&frmIdDcfCode=8&fLguType=CM&frmIdRegion=7&frmIdProvince=41&frmIdLgu=876
Wednesday, August 08, 2012
Ilang mungkahing solusyon sa problema ng bayan mula sa pananaw ni Glenn, isang tambay na tumitingin sa isang pangmatagalang solusyon.
hinggil sa transportasyon
isa sa bentahe ng Puerto Galera ang pagiging madali nitong puntahan subalit nagiging sagabal pa rin ito dahil sa uri ng sasakyan at taas ng halaga ng singil.
mahalaga ang transportasyon sa pagpapadaloy ng kalakalan. isa mungkahi ang pagbuhay muli roro sa ating bayan. mahalaga ito sapagkat alam nating hindi lang tao ang madadala nito kundi maging mga sasakyan. kung ang mga turistang darating sa atin ay mayroong sasakyan, mas maiikot nila ang buong bayan at mas malaking kita ang madadala nito sa kabuuan. (maaari kasi silang bumili ng kendi at tinapay sa maliliit na tindahan)
kung ayaw nang pumasok ng dati nang namuhunan sa roro, maaaring kausapin ng lokal na pamahalaan ang mga lokal na nagmamay-ari ng bangkang nagbibigay-serbisyo na sa kasalukuyan upang sila ang maghati-hati at mamuhunan. maaari ring tumulong ang ilan pang lokal na negosyante para pa rin sa puhunan at maging ang lokal na pamahalaan ay maaaring mamuhunan o maglaan ng pondo para rito na maaaring ipautang sa mga nagnanais ng ganitong negosyo. kaugnay ng mungkahing ito ang dahan-dahang pagbawas sa mga bangka at paglagay sa kanila sa iisang pantalan. maaari ring palitan ang mga bangka ng fast craft subalit ang mungkahi, mga lokal din ang gagawa nito upang magkaroon ng trabaho ang mga kababayan natin at ariin nating tunay na atin.
kung nasa iisang pantalan ang mga pasahero, muli nitong bubuhayin ang mga drayber at konduktor na kusang pagpapababa sa pamasahe o maaaring utusang ibaba ang pamasahe sa tulong ng lokal na pamahalaan dahil magiging regular na ang kanilang kita. gayun din, magbibigay ito ng kita sa mga gasolinahan, maliliit na tindahan sa labas ng beach. dapat panatilihin ang mga traysikel sapagkat gawa ito ng mga lokal na latero na patuloy na nagbibigay kabuhayan sa kanila. maaari ring suportahan ng lokal na pamahalaan ang mga lokal na latero para makagawa ng ilang disensyong kikilalaning gawa sa Puerto Galera na makaaakit pa rin sa paglago ng turismo. maganda rin naman ang e-trike, subalit kung ito na ang gagamitin natin, tatanggalan nito ng ikinabubuhay ang maliliit nating kababayang gumagawa ng tricycle. ang mungkahi, magkaroon ng mamumuhunang dito gagawa ng e-trike sa puerto galera.
Monday, July 30, 2012
Wednesday, March 28, 2012
pagtatagpo
hinanap kita
hindi dahil gusto lang kitang makita
kundi dahil gusto kitang madama
hinintay kita
hindi dahil iyon lang ang gusto ko
kundi dahil gusto kitang makasama
at ngayon
magkaagapay nating tinatanaw ang buhay
at dinadama ang saya ng ating pagtatagpo
Labels:
glenn agbing,
poetry
Location:
White Beach, Puerto Galera, Philippines
Tuesday, February 14, 2012
Masaya, Masarap, Masakit, Mapait: Isang Silip sa Hindi Pantay na Pagtingin sa Sekswalidad sa Lipunan
Nakaiskor
ka na ba? Natira mo na ba? Nagamit mo na ba? Naikama mo na ba?
Malawak
na usapin ang sekswalidad. Kaakibat nito ang lahat ng usaping may
kaugnayan sa pakikipagtalik tulad ng kasarian, pagpili ng magiging
kaagapay sa
buhay,
maagang pagbubuntis at kung anu-ano pa. Nandiyan din ang usapin
hinggil sa mga programa ng pamahalan, simbahan at ilan pang mga
institusyong hindi magkaisa sa usaping ito.
Masayang
pag-usapan ng paksang ito lalo na sa kasalukuyang panahon kung saan
lantad na lantad sa lipunan ang mga elementong may kaugnayan dito.
Para
bagang
iminumulat lamang ang iyong mata sa realidad ng kasalukuyang lipunan.
Masarap na usapan din ito sa magkakaibigang nagpapayabangan ng bawat
karanasan
o nangangarap may maranasan. Samantalang iminumulat tayo sa ating
realidad, masakit isiping tila baga walang malinaw na programa ang
mga
institusyong
may kaugnayan sa paksang ito kung ano at saan ito patungo. At ang
mapait dito, tila baga hindi makawala sa pagiging biktima ang mga
kababaihan sa dulo ng bawat usapan. Tatalakayin sa papel na ito ang
saya, sarap, sakit, at pait ng usaping sekswalidad sa kasalukuyang
lipunan.
I LOVE
YOU
Paano ba
ma-inlove? Paano ba naipakikitang mahal mo ang isang tao? Kapag
"love" ang usapan, ang daming tanong. Ang hirap kasing
intindihin ng kahulugan ng "love". Sabi nila, kapag
naipaliwanag mo kung bakit mo siya "love", hindi totoong
"love" mo siya. Ibig ba nitong sabihing hindi talaga natin
maipaliliwanag kung ano ang "love". Kung ganito ang lohika,
ayaw kong ma-inlove dahil baka niloloko ko lang ang sarili ko at ang
partner ko sa buhay at sa bahay dahil sa isang konseptong hindi ko
rin maintindihan.
Sa
wikang tagalog, kapwa tumutukoy ang pag-ibig at pagmamahal sa
salitang "love". Kung pag-aaralan natin ang morpolohiya ng
dalawang salitang salin nito (love) sa tagalog, ibig at mahal ang
salitang ugat nito. Ang ibig ay kasingkahulugan ng nais o gusto
samantalang ang mahal ay pagbibigay ng halaga. Kung titingnan natin
ngayon sa wikang tagalog, ang "love" ay pagnanais at
pagbibigay halaga sa isang tao. Ang hindi malinaw ngayon ay pagnanais
na ano? Maaaring pagnanais makasama ng mas madalas tulad ng
ipinakikita sa lipunan ng mga taong "in-love" umano.
Kung
talagang mahal mo ako mag-make love tayo.
Paano
nga ba maipakikita ang tunay na pagmamahal, kailangan ba talagang
kasama ang pakikipagtalik? Ang usaping ito ay hindi nawawala sa
magkarelasyon lalo na sa kabataang nasa yugto ng pagsubok sa maraming
bagay. Sa usaping ito, kitang kita ang mataas na pagtingin sa puri at
pakikipagtalik. Para sa kababaihan at kalalakihan, ang puri at
pakikipagtalik ay inihahanay nila na isang mahalagang kapalit ng
pagmamahal. Bahagi rin ito ng pagpapaliwanag kung bakit hindi
nagiging madali para sa karamihan sa ating mga Tagalog na sabihin ang
mga salitang suso, puki at titi. Iginagalang kasi natin ang mga
pribadong bahaging ito ng ating katawan kasabay ng pagtingin natin ng
mataas sa kung saan at kailan ito ginagamit. Mataas man ang pagtingin
dito, lugi pa rin ang kababaihan sa puntong sila ang maaaring
mabuntis.
Sex
lang.
Maaaring
sabihing mataas pa ang pagtingin ng lipunan sa usapin ng
pakikipagtalik subalit kapansin-pansin na sa kasalukuyan ang
pagtingin dito bilang isang pangkaraniwang bahagi na lamang ng buhay.
May mga lokasyon lang naman kung saan nagiging palasak ito tulad sa
beach, bar, at maging sa iskul. Sabi nga nung mentor ko, naglo-loosen
ang moral fiber kapag nasa beach at ganun din ang usapin sa mga bar
at ng ilan sa mga nasa paaralan. Sa obserbasyon ko sa beach at sa
bar, maraming nauuwi sa one night stand. Kailangan lang na magaling
kang makipag-usap kahit hindi kagandahang lalaki at matipuno ang
pangangatawan.
Nangyayari
rin ito sa mga kabataan sa eskwelahan. Sabi ng nila, "basta may
alak, may balak", kung saan nagiging bahagi ng party ng mga
kabataan ang one night stand. May nabasa rin akong post ng isang
estudyante, "ang sex na walang love, exercise lang" na
maaaring sabihing nakikita na rin ng mga kabataang pwedeng tingnan
ang sex na sex lang talaga. Kapag tiningnan natin ang sex na sex lang
talaga, pabata ng pabata ang susubok nito at mawawalan na talaga ng
malalim na pagpapahalaga. Paano nga ba nagbago ang pananaw na ito at
ano ang magiging bunga nito sa lipunan?
ForHornyMen
Isa ang
pornograpiya sa hindi pa nabibigyan ng malinaw na kahulugan at
hangganan lalo na sa ligal na usapin. Sa ating bansa kung saan
nakalalamang sa bilang ang paniniwalang Katolisismo, paano ba ito
tinitingnan?
Iisa
lang ang layunin ng pornograpiya, ang paggising sa libog sa katawan.
Sa ganitong layunin, pwede nating sabihing anumang nababasa, nakikita
o napapanood na gigising/gumigising sa libog sa katawan ay maaaring
sabihing pornographic. Kung gayon, maaaring sabihing naglipana ang
mga tulad nito sa ating paligid.
Pwedeng
sabihing pinakapalasak ito sa internet kung saan napakaraming
pornographic web site. Pero palasak din ito sa bawat tabloid sa mga
kanto-kanto at maging sa bookstore. Nababanaag din dito ang hindi
pantay na lipunan kung saan ang binibili ng masa ay ang nasa kanto
lamang samantalang ang maykaya sa buhay ay sa mga booktore na aircon.
Bagaman
at may mga magazine na lalaki ang mga nakahubad, karamihan pa rin sa
nasa paligid ay babae ang mga nakahubad. Kapansin-pansin din ang
maraming billboard na nagpapakita ng mga hubad, o nakapanty/bra/brief
lang na nadaraanan at nakikita ng napakaraming tao sa mga pangunahing
lansangan sa kamaynilaan at pangunahing tema rin ng mga pelikulang
kumikita. Naglipana rin sa mga kalye ang piniratang dvd na ito rin
ang tema. Sa tingin ko, napakaliberal ng pagtanggap natin sa
pornograpiya at wala ring ginagawa ang pamahalaan para masawata ito.
Usapin
hingil sa pagsasamantala sa kababaihan at kabataan ang mabigat na
kaakibat ng pornograpiya. Kung liberal ang pagtanggap natin dito at
walang ginagawa ang pamahalaan, ibig bang sabihin nitong hindi natin
nakikitang biktima ang mga kabataan at kababaihan.
Isa pang
usapin dito ay ang pagdami rin ng kababaihang nagbabasa ng mga
ganitong materyales. Nangangahulugan ba itong tanggap nilang sila ay
ginagamit lamang o hindi na nila talaga nabibigyan ng malalim na
halaga ang puri at pakikipagtalik?
Kalakal
Kaakibat
ng pagbaba ng tingin sa puri at pakikipagtalik ang paggamit dito
bilang isang kalakal na maaaring tumbasan ng halaga. Sa kasalukuyang
patuloy ang
paghihirap
ng sambayanan, patuloy rin ang pagdami ng mga taong tinutumbasan ng
halaga at ginagawang kalakal ang kanilang sarili. Kung noon ay
sanasabi kong may tatlong antas ang mga prostitute, dahil sa hirap ng
buhay sa kasalukuyan, nadagdagan pa ito ng isa.
Class A
ang mga nasa escort service, ilang mga artista at modelo, at mga nasa
malalaking hotel at casino, Class B naman ang mga nasa mamahaling
Mens Club, Class C ang mga nasa maliliit na beerhouse at mga nasa
mall at kalye at Class D ang mga nagpapabayad ng kalakal (na basura)
at palit sopas.
Dahil sa
semi-legal lang ang prostitusyon sa bansa, marami sa kanila ang
nagiging kawawa. May programa ba ang pamahalaan para mahinto ang
ganito? Sino na naman ang kawawa rito, ang kalalakihan na gumagamit
sa kanila o ang mga kababaihan at kabataang ikinakama?
Nakaiskor
na nagamit pa!
Bakit
ginagamit ang salitang makaiskor, natira, naikama, nagalaw at nagamit
kapag pinag-uusapan kung nakatalik na ang isang babae? Wari bagang
ikinukumpara ang kapartner nila sa buhay sa isports na kailangan
nilang pagwagian o kaya ay sa isang bagay. Kung ganito ang kaganapan,
malungkot ito para sa mga kababaihan dahil kung pinagwagian ka,
pang-display ka lang at kung gamit ka, kahit ano pwedeng gawin sa iyo
at kapag nagsawa na ay pwedeng itapon at palitan ng mas bago.
Sa
kabuuan ng pagtalakay, ipinakita kung paano nagbabago ang pananaw ng
tao hingil sa usapin ng pakikipagtalik hanggang sa pagtingin sa
sarili bilang kalakal. Ipinakita rin ang ilan sa mga bagay-bagay na
kaakibat ng mga pagbabagong ito. At higit sa lahat, kung paanong sa
dulo ng lahat ng usapin, biktima palagi ang mga kababaihan. Isang
problemang tila baga walang solusyon at tinatanggap na lamang na
isang katotohanan. Maging ang pamahalaan na siya sanang gagabay sa
kung saan patungo ang sambayanan ay walang ginagawa hinggil sa
usaping ito. Gayundin ang usapin sa simbahan marahil na siya sanang
mas madaling gamitin para patibayin ang pundasyong moral ng
sambayanan subalit hindi rin nito nagagampanan ang tungkuling ito.
Mabilis lang ba talaga ang takbo ng buhay at hindi ito napapansin o
talaga lang wala na tayong pakialam.
Napakahalagang
usapin ang paksang ito. Hindi lamang upang malaman ang mga nagaganap
sa lipunan bagkus ay makatutulong ito sa pagsasaayos ng lipunan. Ang
mga babae ay hindi dapat tinitingnang kalakal, pag-aari, bagay na
pampasaya sa mga kalalakihan at sa halip ay dapat silang tingnan
bilang isang taong may pantay ring karapatan.
Subscribe to:
Posts (Atom)